Milani ka marrë një humbje të madhe në fitoren me Lacion. Kuqezinjtë mbetën pa Leaon që u dëmtua në minutën e 10 dhe la fushën e blertë. Dhimbja e kokës filloi për Piolin pasi të mërkurën, Milani do të përballet kundër Interit në gjysmëfinalen e Champions League.
Sipas të gjitha gjasave, Leao nuk do të jetë gati për këtë takim. Ylli i kuqezinjëve nuk ndien dhimbje pas dëmtimit, por kërkon të paktën 4 ditë kohë për t’u rikuperuar. Mbetet të shihet nëse Pioli do të rrezikojë shumë me Leaon apo do të vendos Salesmakers në vendin e tij. /Elio Hajdari-Sport Ekspres/