Kevin Durant nuk ka pranuar të rinovojë kontratën me Golden State Warriors. Sipas medies amerikane “ESPN”, basketbollisti i njohur ka pranuar ofertën e Brooklyn Nets. Kontrata 4-vjeçare me skuadrën lindore shoqërohet me një shumë marramendëse prej 164 milionë dollarësh.
Megjithatë, fansat e Nets duhet të tregohen të duruar për të parë Durant në parket. Basketbollistit i duhen të paktën tetë muaj kohë për t’u rikuperuar nga një dëmtim në tendinin e akilit.
Megjithatë Brooklyn Nets nuk janë mjaftuar vetëm me Durant. Ylli tjetër që do t’i bashkohet skuadrës nga New York është Kyrie Irving, i cili do të firmosë një kontratë 4-vjeçare me vlerë 141 milionë euro.