Milani do të përballet me Liverpool ditën e nesërme, ku do të tentojë të pamundurën, kualifikimin në fazën me eliminim të Uefa Champions League. Kuqezinjtë duhet te fitojnë me patjetër këtë përballje si dhe të presin një barazim midis Portos dhe Atletico Madrid.
Një ditë përpara ndeshjes Milan-Liverpool, Zllatan Ibrahimoviç ka folur për mikrofonat e Corriere Della Serra ku ndër të tjera ka folur dhe për ish shokun e tij të skuadrës, Thiago Silva me të cilin luajti si në Milan ashtu dhe në PSG.
“Kur luaja me të, gjithmonë thoja se kisha një tjetër Ibrahimoviç në mbrojtje. Ai ishte mbrojtësi më i kompletuar, dinte të bënte gjithçka. Dhe më pas ne shkuam në Paris, ku luajtëm dhe fituam bashkë. Thiago vazhdon të mbetet një mbrojtës klasi”- u shpreh Zllatan Ibrahimoviç. /Elio Hajdari-Sport Ekspres/