Gjika, “thumba” Gjokës: Pse nuk ia le penalltinë Safetit?

0

Ernest Gjoka mund të quhet ish-trajneri i Kukësit, pasi presidenti Safet Gjici e “e ka shkarkuar” (në një prononcim të tijin për “Top Channel”), teksa pritet t’i besojë skuadrën Skënder Gegës, edhe pse pa ardhur ende zyrtarisht fjala “divorc”, nuk mund të thuhet fjala e fundit.

Presidenti i verilindorëve na ka habitur me veprimet dhe vendimet e tij shpesh të çuditshme. E megjithatë, edhe nëse largohet, Ernest Gjoka e bën si kampion Shqipërie, pasi shkroi historinë me Kukësin. Vetëm tri humbje (me Tiranën në kupë, ndaj Luftëtarit kur kampionati ishte mbyllur dhe ndaj Sherif Tiraspolit), por megjithatë Gjoka është akuzuar si fajtori i eliminimit ndaj ekipit moldav. Dhe, përkrah tij, këtë herë, vjen Shpëtim Gjika ish presidenti i Flamurtarit, që poshtë fotografisë status të postuar nga trajneri Gjoka – një thënie e Ali Asllanit – ka thumbuar nga larg presidentin Safet Gjici…

“Vetëm një gjë bëre gabim në ndeshjen e fundit o Nesti! Të thashë mo, nuk më dëgjove. T’ia kishe lënë Safetit ta gjuante atë dreq penalltie. Suksese në sfidën e radhës, profesor”.

 

You might also like
Leave A Reply

Your email address will not be published.