Vllaznia-Skënderbeu është finalja e Kupës së Shqipërisë që do të zhvillohet në “Air Albania”. E gjithë vëmendja ka kaluar te kjo ndeshje që do të mbyll sezonin futbollistik në Shqipëri. Ministria e Shëndetsisë ka vendosur që të lejojë për herë të parë rreth 1000 tifozë në këtë takim.
Ndërkohë për të evituar gjithë historitë e polemikave, FSHF ka gjetur zgjidhjen për arbitrin. Gjyqtarët e FIFA-s, Jorgji, Hamiti dhe Xhaja do të jenë të pranishëm në këtë përballje dhe do të zgjidhen me short. E njëjta histori që përsëritet ashtu si edhe te Kastrioti-Tomori në mënyrë që të shuhet çdo diskutim. /Sport Ekspres/