Karlo Tavekio refuzon të largohet, Federata Italiane nuk merr asnjë përgjegjësi për turpin e eliminimit dhe mbetjes jashtë Kupës së Botës, duke ia faturuar gjithçka trajnerit Ventura.
Personazhi që ka dalë hapur kundër federatës është Damiano Tomazi, presidenti i Shoqatës së Futbollistëve, i cili ka folur qartë: Duhet ndryshim total, Federata duhet të rinovohet tërësisht, me emra të rinj.
Edhe futbollistët, në Serinë A e B, kanë dalë në mbështetje të Tomazit, aq sa po shtohen zërat se pas së hënës, kur do të vendoset në lidhje me federatën, do të ketë protesta me 1 minutë ulur në fushë para ndeshjeve të fundjavës së ardhshme, nëse nuk ka.revolucion.