Futbolli është pasion, ndërsa trajneri Diego Simeone është dëshmia më e pastër. Atletiko Madridi do të humbiste ndaj Liverpulit në shifrat 2-3 në “Champions League”. Anglezët kaluan në avantazhin e dy golave brenda pak minutash, por Griezman barazoi gjithçka në pjesën e parë.
Në golin e dytë të Griezman që erdhi në minutën e 34, Simeone shpërtheu në festën e madhe duke u rikthyer në origjinë për mënyrën sesi e kemi parë në pjesën më të madhe të kohës. Topi që shkon në rrjetë dhe trajneri i Atletikos që nis sprintin në pankinë duke iu gëzuar si ta kishte shënuar vetë. /Sport Ekspres/