Ka nisur në “Loro Boriçi” ndeshja kualifikuese për botërorin e femrave mes Shqipërisë dhe Polonisë. Të besuarat e Armir Grimës do të synojnë një rezultat pozitiv përballë homologeve të tyre nga Polonia. Ky është takimi i katërt i vajzave kuqezi, por deri më tani nuk kanë arritur që të grumbullojnë asnjë pikë. Statistika për t’u harruar deri më tani, pasi në tre takimet e para kanë shënuar vetëm 1 gol dhe kanë pësuar 11, një tregues i qartë se në këto kualifikuese e rëndësishme është vetëm konsolidimi i skuadrës dhe asgjë më shumë. Edhe pse sapo janë mbyllur 15 minuta lojë polaket kanë kaluar në avantazh të dyfishtë .
Shqipëria F.: Zani, Rrahmani, Bajraktari, Maliqi, Begolli, Morina, Velaj, Docci, Gjini, Franaj, Bajramaj.
Polonia F.: Kledrzynek, Sikora, Kusciora, Pajor, Kamczyk, Balcerzak, Siwinska, Winczo, Grabowska, Dalaeszczyk, Wiankowska.