Armand Duka ka një fuqi të madhe në UEFA dhe këtë e dëshmoi më së miri dita e sotme. Për herë të dytë, kreu i FSHF është rizgjedhur në Komitetin Ekzekutiv të Qeverisë së Futbollit në Europë. Më parë askush nuk kishte arritur që të hynte në dyert e UEFA-s, asnjë shqiptar i vetëm.
Sikur të mos mjaftonte kjo, Duka kishte edhe një diferencë të frikshme nga të tjerët. Kreu i FSHF ishte kandidati më i votuar me 45 vota të marra nga 55 të mundshme, duke mbajtur vendin e parë me diferencë të madhe nga 8 anëtarët e tjerë që e fituan të njëjtin post si anëtar të Komitetit Ekzekutiv në UEFA. /Sport Ekspres/
