Islanda ka qenë një surprizë e bukur për të gjithë, sidomos në Europianin 2016, kur kaloi grupet dhe eliminoi Anglinë, por edhe në Botërorin e këtij viti, ku ndali Mesin me shokë në fazën e grupeve në një barazim 1-1.
Një meritë të madhe në këto suksese ka dyshja Lars Lagerbak-Heimir Hallgrimson, dyshja drejtuese që e mori drejtimin në fillim të dekadës dhe ndryshoi historinë e futbollit islandez.
Sot trajneri Heimir Hallgrismson ka dhënë dorëheqjen nga drejtimi i Islandës, pas 7 vitesh punë aty, duke e nisur në vitin 2011 si ndihmëstrajner e duke marrë drejtimin i vetëm pas Euro 2016, kur u largua suedezi Lagerbak.
Ka qenë vetë federata islandeze që përmes një postimi ka bërë me dije se 51-vjeçari ka dhënë dorëheqjen nga roli i trajnerit: “Federata e futbollit islandez konfirmon se trajneri Heimir Hallgrismson nuk do të jetë më trajneri i skuadrës së Islandë. Hallgrimson e ka lënë drejtimin me kërkesën e vet, pas 7 vitesh pjesë e kombëtares”.
Një histori suksesi, sepse pa diskutim që tekniku 51-vjeçar ka hyrë në histori me sukseset e tij, por ka hedhur bazat dhe për një të ardhme akoma dhe më të mirë, duke qenë një shembull për të gjithë, sepse si futbollist pati karrierë modeste, më pas u bë dentist dhe nuk e la punën as kur u bë pjesë e stafit drejtues të kombëtares.
The FA of Iceland can now confirm that Heimir Hallgrímsson will not continue as head coach of the Icelandic men´s national team. Hallgrímsson steps down as Iceland coach at his own request after 7 years in the job, having joined in 2011. pic.twitter.com/4Srl1lDdkq
— Knattspyrnusambandið (@footballiceland) July 17, 2018