Shqipëria nis rrugëtimin e kualifikuesve të “Euro2020” ditën e premte përballë Turqisë, një sfidë shumë e rëndësishme për kuqezinjtë tanë. Sot, janë prezantuar dhe uniformat e reja të kombëtaresm që janë modeluar nga kompania “Macron”. I pranishëm në prezantimin e uniformave të reja nuk ishte asnjë futbollist, ndërsa presidenti i FSHF-së, Armando Duka ishte prezent, madje dhe foli për këto uniforma dhe për ndeshjen kundër Turqisë, ku u shpreh:
“Eshtë bërë një punë kolosale nga kompania “Makron”. Dua t’i falënderoj për këtë projekt dhe të gjithë projektet e tjera. Uroj që të gjitha këto të na sjellin atë që duam të gjithë, një paraqitje sa më të mirë. Uroj që ekipi kombëtar të bëjë rezultat sa më të mirë, për të synuar dhe arritur objektivat. Ta nisim me këmbën e mbarë që ndaj Turqisë“, tha Duka.
