Partizani është eliminuar sot nga Liga e Kampionëve. Të kuqtë janë mposhtur me shifrat 2-0 në ndeshjen e kthimit të turit të parë kundër Bate Borisovit. Një ndeshje e dominuar tërësisht nga kampionët e “Abissnet Superiore”-s. Fakt për këtë janë statistikat e dala në fund të ndeshjes.
Në statistikat e publikuara nga “MCN TV“ shihet se Partizani numëron 13 goditje në total, kundrejt 6 të kundërshtarit. Ndërkohë sa i përket gjuajtjeve në kuadrat, Bate Borisovi ka grumbulluar dy në tërësi, të cilat i shndërroi të dyja në gol. Në krahun tjetër Partizani numëron 3 goditje në portë. Statistikat flasin për të kuqtë, por fatkeqësisht të vetmet shifra që vlejnë në futboll janë ato që gjenden në rezultatin përfundimtar të takimit./Halit Delibashi-Sport Ekspres/
