Taulant Seferi ka marrë një dhuratë të veçantë në muajin e shenjtë të Ramazanit. Sulmuesi i Tiranës është një besimtar musliman dhe këtë e ka lënë të dallohet edhe gjatë festimeve të tij në fushën e lojës. Pikërisht një prej këtyre çasteve, kur Seferi shihet duke iu falur Allahut, është ruajtur në gur nga Xhamia e Selitës.
Lojtari shqiptar ka shpërndarë një “story” në llogarinë e tij në “Instagram”, ku shihet bashkë me dhuratën në duart e tij. “Një dhuratë nga Xhamia e Selitës në Tiranë në këtë muaj të shenjtë të Ramazanit. Allahu i shpërbleftë”, shkruan Taulant Seferi./Halit Delibashi-Sport Ekspres/
