FOTO/ La shkollën dhe mori autobusin e tifozëve të Benfikës, historia e veçantë e tifozit që bëri tifo për Bajernin

0

Futbolli është një pasion për të cilin tifozët shpesh bëjnë edhe çmendurira vetëm për të mbështetur skuadrën e tyre të zemrës apo idhujt në fushën e lojës. Një aventurë e vërtetë ka qenë historia e një tifozi të pranishëm në shkallë e stadiumit të Benfikës. Djaloshi nga Porto ka lënë shkollën dhe ka hyrë në të njëjtin autobus me tifozët e skuadrës nga Lisbona, por në fund… ka brohoritur me zemër për Bajernin e Mynihut.

“Sot nuk isha në klasën time. Jam nga Porto, jo nga Lisbona. Erdha këtu me një autobus të tifozëve të Benfikës. Kam rrezikuar jetën time për ju, ju lutem fitoni“, ishte pankarta që mbante në duar tifozi portugez. Ky i fundit ka tërhequr edhe vëmendjen e Nojerit, i cili i ka zbukuruar edhe më shumë mbrëmjen duke shkrepur një foto me të./Halit Delibashi-Sport Ekspres/

You might also like
Leave A Reply

Your email address will not be published.