Faza e grupeve e UEFA Europa League është mbyllur mbrëmjen e djeshme dhe tabloja e skuadrave të kualifikuara për në 1/32-tat ka marrë një pamje të plotë tashmë. Ditën e sotme UEFA ka publikuar edhe formacionin e javës të këtij kompeticioni, ku spikat një emër shqiptar.
Lirim Kastrati e gjen veten mes 11 më të mirëve të Europa League për javën e fundit. Një vlerësim ky mëse i merituar, duke marrë parasysh shpërthimin që lojtari dardan pati ndaj CSKA-së së Moskës. Futbollisti i talentuar dhuroi një asist fantasitk në pjesën e parë, ndërsa në të dytën pas një sprinti të jashtëzakonshëm futet në zonë dhe tund rrjetën kundërshtare./Halit Delibashi-Sport Ekspres/
