Napoli do të ketë përballë Juventusin në finalen Kupës së Italisë, e cila do të nisë të luhet në orën 21:00. Të dy trajnerët kanë bërë planet e tyre dhe kanë zbuluar kartat që do të përdorin për të mbërritur te trofeu. Sarri është vënë në qendër të kritikave këtë sezon me bardhezinjtë dhe fitorja e Kupës së Italisë do të ishte një mënyrë për të ndezur besimin te tifozët dhe për të konfirmuar punën e tij në krye të Juventusit.
Ndërkohë në anën tjetër Gatuzo dëshiron trofeun e parë me Napolin, që këtë sezon duket lard skuadrës së viteve të fundit dhe këtë e tregon qartë renditja në tabelën e Serie A. Nëse në gjysmëfinalen kundër Interit krahu i majtë i mbrojtjes do i besohej Elseid Hysajt, këtë herë futbollisti shqiptar e gjen veten në stol, teksa vendi ne tij e ka fituar Rui./Halit Delibashi-Sport Ekspres/
