Astrit Hafizi ka bërë një analizë të shkurtër të Shqipërisë pas përballjes në takimin kundër Bjellorusisë, atje ku kemi arritur që të fitojmë në shifrat 0-2. Theksi është vendosur se skema e Rejës nuk është aspak e përshtatshme për Kombëtaren, pasi me tre mbrojtës lihen futbollistët më të mirë në stol. Por këto fjalë nuk janë pritur aspak mirë nga ana e lexuesëve dhe tifozëve të Kombëtares që e duartrokasin Rejën për fitoren e arritur, duke i dhënë besim të plotë te mënyra që zgjedh për të luajtur me Shqipërinë.
Ndërkohë këto fjalë të Hafizit kanë bërë jehonë edhe në median e Bjellorusisë, “Pressball”. Në të njëjtën kohë, këta të fundit kanë marrë edhe komentet e ardhura në median “Sport Ekspres” rreth analizës së Hafizit, ku në të gjitha rastet janë tërësisht negative karshi fjalëve të thëna për t’i hedhur poshtë, madje në një rast thuhej se Shqipëria nuk po lë Ronaldon në stol për të ngritur të tilla shqetësime. /Sport Ekspres/
