Redi Jupi është shprehur se Egnatia do të mbahet mend më gjatë se Tirana dhe Partizani për këtë sezon në Superiore. Pavarësisht se dy ekipet e kryeqytetit po luftojnë për titullin kampion, skuadra e drejtuar nga Tetova po rezulton si surpriza e bukur.
“Fitues mund të jesh, por kur je fitues vetëm me statistika, nuk mbahesh mend për asgjë. Problemi është që gjatë këtij rrugëtimi të lësh mbresa, emocion. Mund të jesh i dyti dhe të lësh më shumë emocion dhe mbresa se vendi i parë.
Unë kam përshtypjen se Egnatia do të mbahet më shumë mend në këtë kampionat se vendi i parë dhe i dytë. Tirana ka gabuar, por ka qenë më solide se Partizani”, tha Jupi. /Elio Hajdari-Sport Ekspres/