Arinaldo Rrapaj ishte një tjetër prodhim i Superiores që bëri hapin jashtë kampionatit të futbollit në Shqipëri. Lojtari ka nënshkruar me Ludogorets, por nuk mund të shpalos aftësitë e tij në këtë klub.
“Supersport” ka raportuar se Ludogorets kishte plotësuar numrin e lojtarëve ekstrakomunitar kur Rrapaj firmosi kontratën. Për këtë arsye ai nuk mund të luante dot me ekipin e parë pasi nuk ishte mundësia e federimit.
E vetmja zgjidhje për Rrapajn ishte që të luante me ekipin e dytë të Ludogorets. Kjo alternativë u hodh menjëherë poshtë dhe u vendos që të sillej sërish te Partizani si huazim deri në fundin e këtij sezoni. /Sport Ekspres/