Kosova u mposht mbrëmjen e djeshme nga Maqedonia e Veriut, duke shuar kështu të gjitha shpresat për të prerë një biletë në Euro 2021. Ajo humbje nuk është pritur aspak mirë nga tifozët dardanë, që kanë vërshuar me kritikaa dhe pakënaqësi si ndaj lojtarëve të cilët nuk mundën të bashkoheshin me përfaqësuesen si Muriqi e Rrahmani, ashtu edhe ndaj trajnerit Shaland. Për shumë mendohej se cikli i zvicerianit në stolin e Kosovës përfundoi dhe ishte koha të largohej. Vetë Shaland refuzoi të jepte dorëheqjen, ndërsa ditën e sotme FFK ka organizuar një mbledhje me lojtarët dhe stafin teknik.
Presidenti Agim Ademi i ka falenderuar të gjithë futbollistët për atë çfarë kanë dhënë deri më sot, si dhe këkon të japin maksimumin që këtë ëndërr ta realizojnë në të ardhmen. Ndërkohë FFK ka treguar sërish besim dhe mbështetje te Bernard Shaland dhe stafi i tij, i cili do të vijojë të mbetet në krye të detyrës te dardanët./Halit Delibashi-Sport Ekspres/