Skuadra e Kardif Sitit mori një fitore shumë të rëndësishme sa i takon mbijetesës në Premier Ligë përballë Sauthemptonit. Ekipi uellsian triumfoi 1-2, falë golave të kapitenin Bamba dhe Zohore. Pikërisht në golin e kapitenit, festa ishte e çmendur, me mbrojtësin që zgjodhi të festojë me tifozët e Kardifit.
Gjatë festë, u krijua një turmë e madhe dhe e zhurmshme dhe incidentet nuk munguan. Njërit prej tifozëve iu thyen syzet e tij optike, pikërisht nga një përplasje me kapitenin Bamba. Sot, mbrojtësi i Kardifit është takuar me këtë tifoz, për t’i blerë një palë syze të reja.
Pasi tifozi u pajis me syzet e reja, kapiteni i Kardifit dhe tifozi bënë disa foto së bashku, që u publikuan nga faqja zyrtare e Kardifit, me mbishkrimi: “Gjithçka u rregullua!”
