Shishe birre të shpërndara në të gjithë shtëpinë, kuti të tëra picash mbi tavolinë, divani që shndërrohet në krevat dhe lojëra elektronike gjatë natës me shokët. Një panoramë e mënyrës si jeton Osman Dembele. Kjo është arsyeja e krizës që ylli i Barcelonës po përjeton.
Pak muaj më parë, pronari i shtëpisë, kur luante te Borusia e Dortmundit e denoncoi duke i kërkuar 200 mijë euro dëmshpërblim, sepse e kishte lënë banesën në kushte të tmerrshme higjenike. Një problem, të cilin Dembele duket se e ka marrë me vete edhe në Spanjë. Një ditë telefonoi në klub, duke i thënë stafit teknik se kishte dhimbje barku.
Mjeku i Barcelonës shkoi me urgjencë në shtëpi, hapi derën dhe…: grila të ulura, errësirë e plotë, njerëz që flinin deri pas mesdite, rrëmujë totale, kuti picash dhe “playstation” që kishte qëndruar ndezur gjatë gjithë natës. Dembele ishte shumë mrë me shëndet, problemi lidhej me mënyrën e jetesës.
Një talent u shpërdoruar, duke jetuar në mënyrën më të keqe të mundshme për një person normal, imagjinoni për jetën që duhet të bëjë një sportist profesionist. Aftësitë në fushë i ka dhuratë nga natyra, Barça investoi më tepër se 100 milionë euro për ta blerë, ndërsa në verën e këtij viti u shpall kampion bote me Francën.
Megjithë moshën e re ka fituar miliona euro, e ndërkohë ka debatuar edhe me dietologun, në momentin kur i ndaloi që të ushqehej në mënyrë jo të shëndetshme. Dembele nuk ka mësuar as gjuhën spanjolle, nuk përqendrohet në detyrën e tij, por preferon lojërat elektronike me shokët. Talenti është i padiskutueshëm, por sulmuesi thjesht nuk punon. Te “blaugranat” po provojnë ta ndihmojnë, megjithatë yllit të ri i mungon vullneti për t’u bërë edhe më i fortë.