Teuta është duke u përballur kundër Tiranës në javën e dytë të Superiores. Durrsakët luajnë për herë të parë në këtë sezon pasi u shty ndeshja e tyre e parë kundër Partizanit. Vërtet për t’u duartrokitur është guximi i trajnerit Longo.
Tekniku i Teutës aktivizoi nga minuta e parë Ergis Arifi. Ky mesfushor është vetëm 16-vjeç dhe po i përgjigjet ritmit të lartë të nënkampionëve të Superiores. Një guxim i madh i Longos që ngre stekën e futbollit shqiptar, si në elitat e Europës. Nga minuta e parë po luan edhe një mesfushor tjetër te Teuta si Demircani, vetëm 18-vjeç. /Sport Ekspres/