Sezoni i ri sapo ka nisur dhe nëpër Europë po luhen edhe ndeshje kualifikuese për Champions League e Europa League. Për këtë arsye, Europa League ka postuar sot në faqen e vet zyrtare një sondazh, ku fton tifozët të votojnë për portierin më të mirë të sezonit 2017/18.
Interesant është fakti se Europa League ka përzgjedhur 4 portierë: Petër Çeh i Arsenalit, Antoni Lopes i Lionit, Sergio Asenho i Vijarrealit dhe Etrit Berisha i Atalantës.
Portieri i kombëtares shqiptare vjen nga një sezon fantastik dhe është përzgjedhur nga Europa League si përfaqësuesi më i denjë i Serisë A italiane.