Etrit Berisha është qartësisht jashtë planeve të Torinos. Përplasjet me trajnerin Juriç bënë që portieri shqiptar të mos luante në asnjë ndeshje në sezonin e shkuar. Ndërkohë, në këtë verë Berisha nuk po stërvitet me grupin e skuadrës italiane.
Torino e ka nxjerrë prej kohësh në shitje gardianin e Kombëtares kuqezi, por paga e tij është kthyer në një pengesë për largimin e tij. Berisha paguhet me 1 milionë euro neto në sezon, çka e bën të vështirë të gjejë një tjetër skuadër që ofron një sasi të tillë parash për të./Halit Delibashi-Sport Ekspres/