Është yll bote me Bayern Munchen dhe Barcelonën! Lojtarët e Shqipërisë duhet të dëgjojnë Lewandowski: Goli në Botëror ishte ëndrra e fëmijërisë

0

Një yll bote me Bayern Munchen dhe tani me Barcelonën. Ishte shumë pranë fitimit të Topit të Artë, një padrejtësi ia mohoi. Por pavarësisht se kishte arritur gjithçka në karrierën e tij, deri dje, Lewandowski nuk kishte shënuar ende golin e parë në Botëror.

Këtë e realizoi në ditën e djeshme kundër Arabisë Saudite. Menjëherë pas këtij realizimi, Lewandowski ka shpërthyer në lot. Më pas do të tregonte gjithçka për emocionet e përjetuara: “Jam i vetëdijshëm që kur luaj për Poloninë, është gjëja më e rëndësishme për mua. Kam ëndërruar që fëmijë të shënojë në Botëror, tani u bë realitet.

Në ndeshjen e parë humba një penallti, u përpoqa të mësoja prej saj. Sa më shumë kalojnë vitet, aq më shumë bëhem emocional”, tha Lewandowski. Kjo deklaratë duhet të dëgjohet edhe nga lojtarët e Shqipërisë. Pavarësisht klubeve dhe emrave ku luajnë, një gol në Botëror me Kombëtaren është adrenalinë që nuk përsëritet as për yje si Lewandowski. /Sport Ekspres/

You might also like
Leave A Reply

Your email address will not be published.