Barcelona mund të ndodhet në krizë rezultatesh, por asnjëherë nuk ka thatësirë për prodhimin e talenteve. Pas Pedrit, është Gavi si lojtari kryesor që ka marrë vëmendjen maksimale. Vetëm 17-vjeç dhe luan në mesfushë si të kishte vite të tëra mbi shpinë.
Gavi nuk i ka shpëtuar “fiksimeve” që kanë shumë futbollistë të njohur në Europë, për të qenë supersticioz për ndeshjen e futbollit. Së fundmi ishte De Gea që shihej teksa prekte shtyllën me dorë gjithmonë pasi Manchester United arrinte që të shënonte një gol.
Ndërkohë Gavi është një rast disi më i rrallë, pasi luan gjithmonë me këpucë të zgjidhura. Kjo nuk i përbën problem mesfushorit dhe nuk po ndikon për keq në performancat e tij, ndërsa 17-vjeçari nuk ka ndërmend që të heq dorë, sidomos duke parë suksesin e arritur. /Sport Ekspres/