Silvinjo ka kurorëzuar punën e tij të jashtëzakonshme me një biletë për në Euro 2024. Shqipëria barazoi sot 1-1 kundër Moldavisë, duke marrë kështu pikën që i nevojitej për t’u kualifikuar në Kampionatin Europian. Në intervistën e dhënë pas ndeshjes për mikrofonin e “TV Klan”, Silvinjo është shprehur se suksesi i sotëm është një ëndërr për të. Një mbrëmje, që do të qendrojë në zemrën e tij gjatë gjithë jetës.
“Ishte një sfidë e vështirë. Është një ëndërr. Besoj në punë, por nuk ishte aspak e lehtë. Kjo ishtë vërtetë një ëndërr. Ka diçka shumë afër brazilianëve. Edhe ne duam një marrëdhënie të afërt për të folur, për të përqafuar në raport me lojtarët dhe njërzit. Sot është një ditë që do të mbetet në zemrën time për gjithë jetën”./Halit Delibashi-Sport Ekspres/