Disa rezultate janë sakrifikuar nga Spanja për hir të së ardhmes dhe brezit të ri. Luis Enrique po shijon frytet e besimit që i ka dhënë talenteve të rinj, ku mes tyre futet edhe Gavi. Vetëm 17-vjeç dhe trajneri nuk e mendon dy herë për t’i besuar nga minuta e parë kundër Suedisë, në atë fitore që është marrë në shifrat 1-0.
Gavi ishte një prej lojtarëve më të mirë të ndeshjes, duke marrë të gjithë duartrokitjet e tifozëve. Me lëvizjet e bëra në fushë, shpeshherë të kujtonte Iniestën, duke marrë zvarrë futbollistët kundërshtarë. Menjëherë pas përfundimit të takimit, Enrique është shprehur: “Gavi jeton në botën e tij. Është vetëm 17-vjeç dhe është e vështirë që të gjesh një tjetër me këtë personalitet. Ka lindur për futbollin”. /Elio Hajdari-Sport Ekspres/
Impressive dribbling by Gavi ? pic.twitter.com/kRvrmZsA0c
— ESPN FC (@ESPNFC) November 14, 2021