Serie B nuk ishte në nivelin e tij dhe Etrit Berisha nuk humbi më tepër kohë në ligën e dytë të Italisë. Spali dështoi të rikthehet përsëri në elitë, prandaj portieri shqiptar vendosi të lëvizte menjëherë në Serinë A. Largimi i Sirigu hapi një vend në portën e Torinos. Kjo ishte dhe arsyeja pse gardiani i Kombëtares kuqezi firmosi për “granatat”.
Por duket se vendi i lënë nga Sirigu nuk ishte rezervuar për Berishën. Juriç gradoi Milinkoviç-Saviç mes shtyllave dhe hierarkia qendron e pandryshuar edhe pas 9 javëve kampionat. Berisha dhe Zaza mbajnë statistikat më të këqija në skuadrën torineze, teksa janë të vetmit që ende nuk e kanë shkelur fushën për këtë sezon./Halit Delibashi-Sport Ekspres/