Prej një viti tashmë futbolli ka marrë një tjetër pamje, që ndoshta askush nuk mund ta kishte imagjinuar më parë. Stadiume të zbrazta dhe me takime që i ngjajnë miqësoreve, futbolli ka humbur gjënë më të shtrenjtë që ka, tifozët. Por emocionet që i kanë munguar prej kohësh do i japinsërish hijeshinë këtij sporti.
Anglia bëhet vendi i parë që merrë një hap të rëndësishëm për sa i përket hapjes së dyerve të stadiumeve. Në Britani vaksinimi po ecën me ritme të shpejta dhe qeveria ka përgatitut planin për hapjen e vendit në maj. E në këtë plan nuk bën përjashtim as futbolli. Magjia e këtij sporti do të rikthihet përsëri.
Mitiku “Uembli” do të jetë stadiumi që do të hapë dyert për plot 20 mijë tifozë më 15 maj, datë kur luhet finalja e FA Cup. Një shifër e tillë është larg kapacitetit të këtij stadiumi madhështor, por gjithsesi është një hap gjigant përpara, pasi do të jetë numri më i madh i tifozëve të grumbulluar në një stadium që prej një viti./Halit Delibashi-Sport Ekspres/