Elita e futbollit shqiptar vjen me një risi këtë sezon. Për herë të parë janë shitur të drejtat për emrin e saj dhe nga sot e tutje do të quhet “Abissnet Superiore”. Këtë e pohon edhe vetë presidenti i kompanisë “Abissnet”, Koço Kokëdhima, në një lidhje të drejtpërdrejtë me emisionin “Ora Sport” në “RTV Ora”.
“Kampionati i klubeve të Ligës së Shqipërisë do të quhet ‘Abissnet Superiore’. Apolonia është një klub jashtëzakonisht i mirë. Apolonia është një ligë më poshtë për shkak të kostove që nuk janë të saj.Jam i sigurt që do ta rrisim 30% ofertën brenda këtij viti nëse biem dakord me FSHF-në. Në sezonin e katërt do dyfishohet shuma”, ka deklaruar Koço Kokëdhima./Halit Delibashi-Sport Ekspres/