Ajaksi i ka mahnitur të gjithë këtë sezon, me holandezët që tashmë janë kthyer në “dyqanin” e preferuar për të bërë “pazar” merkaton e ardhshme.
Doni Van de Bek është një ndër emrat më të kërkuar dhe për mesfushorin me sa duket do të ketë një “El Clasico”. Sipas asaj që raporton “Mundo Deportivo”, Barcelona është futur në garë për talentin holandez, për të cilin ka shfaqur dhe shumë interes Reali i Madridit.
22-vjeçari ka një kontratë që e mban të lidhur me Ajaksin deri në vitin 2022, por sipas gjasave ky do të jetë sezoni i fundit në Amsterdam. Shifra që “Harkëtarët” kërkojnë për Van de Bek thuhet të jetë së paku 60 milionë euro. Mbetet për t’u parë se kush do ta fitojë “El Clasicon” e merkatos…