Redon Xhixha është një prej lojtarëve më të mirë të Superiore. Interesimi për të nuk ka qenë i pakët, teksa futbollisti mund të thuhet se e ka arritur marrëveshjen me Karabakun. Këta të fundit do të paguajnë 550 mijë euro dhe lojtari do të firmosi për 4 vite me ta.
Sport Ekspres mëson se mes ekipeve që ka paraqitur një ofertë në tavolinë ishte edhe Konyaspor, ku luan edhe Endri Cekici. Ekipi i elitës së Turqisë ka ofruar 450 mijë euro për të siguruar kartonin e Xhixhës, por në fund është vendosur që të zgjidhet Karabaku. /Sport Ekspres/