Në të gjitha vendet me shumicë myslimane, ku përfshihet Shqipëria dhe Kosova është duke u mbajtur masivisht agjërimi për muajin e shenjtë të Ramazanit. Në Kosovë, klubet e futbollit kanë njoftuar për pjesë të stafit të tyre, të cilët janë duke mbajtur Ramazanin. Fakt interesant është që në klubin e Sharrit, pjesë e qytetit te Hanit të Elezit, të gjithë janë duke agjëruar, duke filluar që nga drejtuesit, stafi dhe lojtarët.
Pavarësisht, se janë duke agjëruar, ku nuk duhet të hanë ushqim dhe të pijnë ujë për një kohë të gjatë, kjo nuk i ka penguar lojtarët të zbrezin në fushën e lojës. Muaji i Ramazanit filloi në datën 12 Prill në Agim dhe do të mbarojë në 12 Maj në mbrëmje. Për besimtarët myslimanë ky është harku kohor më i rëndësishëm i vitit, pasi sipas tyre i afron me Zotin. /Elio Hajdari-Sport Ekspres/