Egnatia krejt papritur përforcohet edhe me dy futbollistë nga Brazili, duke vazhduar të punojë në heshtje dhe të investojë tek të rinjtë, që deri tani ka shkëlqyer, sepse afrimet e verës së shkuar janë përshtatur shumë mirë në Rrogozhinë.
Klubi debutues në Kategorinë e Parë ka arritur marrëveshjen me mbrojtësin Aleksander Akinduro do Karmo Akingbulugbe, me emrin sportiv Aleksander, mbrojtës 20-vjeçar, i aftë të luajë në qendër dhe në të majtë.
Futbollisti i dytë i afruar është Lukas Silva Gomesh, i cili është mesfushor ofensiv.
Të dy do të prezantohen sot, ndërsa kanë zbarkuar që mbrëmë në aeroportin “Nënë Tereza”, ku janë pritur nga drejtuesit e Egnatias dhe kanë pozuar me fanellën e re.