“Abissnet Superiore“ rikthehet për tifozët shqiptarë më 25 shkurt me javën e 22-të të saj. Ndeshjet e kësaj jave do të luhen të ndara në dy ditë dhe do të jetë Skënderbeu-Vllaznia sfida që do të ngrejë siparin. Ndërkohë, në po të njëjtën ditë, në orën 19:45, luhet derbi i kryeqytetit mes Dinamos dhe Partizanit.
Tre sfidat e mbetura do të zënë vend një ditë më pas, më 26 shkurt. Në orën 13:45 në Rrogozhinë do të luhet një tjetër “finale” mbijetese, teksa Egnatia pret Kastriotin. Më pas në orën 16:45 do të zhvillohen paralelisht dy sfida mjaft të bukura si Kukësi-Teuta dhe më e rëndësishmja, Tirana-Laçi. Kjo e fundit është një duel i drejtëpërdrejtë për vendin e parë në tabelën e reditjes, ku momentalisht gjenden bardheblutë me 3 pikë më tepër se kurbinasit./Sport Ekspres/
Java e 22-të e “Abissnet Superiores”:
25 shkurt
16:45 Skënderbeu – Vllazia
19:45 Dinamo – Partizani
26 shkurt
13:45 Egnatia – Kastrioti
16:45 Kukësi – Teuta
16:45 Tirana – Laççi