Vllaznia ka arritur që të fitojë klasiken kundër Tiranës në kryeqytet. Në një stadium me pjesëmarrje disi të kënaqshme krahasuar me ndeshjet e tjera, bardheblutë humbën në shifrat 0-1 falë golit të Bekim Balajt në minutën e 37. Nga pika e bardhë, shkodrani nuk gaboi dhe i dha tre pikët Vllaznisë. Nga krahu tjetër Erzeni dhe Teuta janë ndalur në një barazim pa gola. Më poshtë gjeni intervistat e trajnerëve për “MCN TV”:
Osmani: “Sot ishte një Vllazni shumë më agresive dhe ne e merituam fitoren. Nuk është e lehtë të mundësh Tiranën, është jo më kot pretedente për të fituar titullin kampion, një nga ekipet më të mira në Shqipëri. Tifozëve iu kërkoj që ta mbështesin sa më shumë ekipin dhe në ndeshjet e ardhshme jam i sigurt se do të ketë edhe më shumë tifozë. Dicka mund ta them me siguri, në Shkodër e duan shumë futbollin dhe Vllazninë”.