Tite është larguar nga drejtimi i Brazilit pas eliminimit të parakoshëm nga Kroacia në Kupën e Botës. Nejmar ka shfrytëzuar rrjetet e tij sociale për t’i shprehur mirënjohjen e tij për atë çfarë ka dhënë për Kombëtaren amerikano-jugore. Mendimet e tij për Titen si kundërshtar nuk kanë qenë më të mirat, por në momentin që janë njohur kanë ndryshuar tërësisht. Nejmari e falenderon për mësimet e shumta dhe të çmuara që i ka dhënë.
“Para se të takoheshim personalisht, kemi luajtur shumë herë kundër njëri-tjetrit dhe a mund t’jua them? Mendova se ishe kaq i bezdisshëm! Sepse keni krijuar një ekip për të më mbuluar, keni bërë gjithçka për të më mundur dhe madje keni folur keq për mua.
Por fati është qesharak, apo jo? Ai të vendosi ty si trajnerin dhe mua si numrin tënd 10. Të kam njohur si trajner dhe e dija që ishe shumë i mirë, por si person je shumë më i mirë! Ti më takove dhe e di kush jam dhe kjo është ajo që ka rëndësi për mua…. Unë vij këtu hapur për t’ju falënderuar për gjithçka, të gjitha mësimet që na keni dhënë … dhe ishin kaq shumë.
Do të jesh gjithmonë një nga trajnerët më të mirë që kam pasur ose do të kem ndonjëherë, unë do të të mbaj gjithmonë lart. Kemi pasur momente të bukura, por kemi pasur edhe momente që na kanë lënduar shumë dhe ky i fundit do të na lëndojë për një kohë të gjatë.
E meritonit të kurorëzoheshit me këtë kupë, të gjithë e merituam për gjithçka që bëmë dhe për gjithçka hoqëm dorë për të arritur ëndrrën tonë më të madhe. Por Zoti nuk e donte kështu, durim. Zoti na dha GJITHÇKA! Faleminderit profesor Tite, për të gjithë mësimin… dhe nëse ka një frazë që nuk do ta harroj kurrë, ajo është “të fortë mendësisht” dhe do të duhet të jemi shpesh në atë moment! Një përqafim i madh dhe faleminderit”, ka shkruar Nejmari./Halit Delibashi-Sport Ekspres/