La Liga ka humbur dy legjenda të kampionatit këtë verë. Mesi është larguar nga Barcelona, ndërsa Ramos dorëzon çelësat e mbrojtjes së Realit për t’u transferuar në Paris. Për vite me radhë të dyja këto figura simbolizonin luftën e madhe të “El Clasicos”, duke pasur një rivalitet të ndezur mes tyre.
Por kohët ndryshojnë dhe tashmë të dy e gjejnë veten me fanellën e PSG-së. “E kush do na e kishte thënë, apo jo Mesi? Mirësevjen”, ishte mesazhi i Ramosit për yllin argjentinas. Rivaliteti i ashpër i ka lënë vendin miqësisë, teksa milionat e PSG-së sjellin paqen e munguar në “El Clasico”./Hakit Delibashi-Sport Ekspres/