Edon Zhegrova ka hedhur një hap tejet të rëndësishëm në karrierën e tij. Tashmë futbollisti shqiptar nis një etapë të re, teksa do të provojë veten në një nga 5 ligat më të forta të Europës. 22-vjeçari ka bërë mirë në radhët e Basel-it dhe ka treguar një rritje të vazhdueshmë, çka ka bindur drejtuesit e Lille-s të blejnë kartonin e tij.
Sipas raportimeve nga “L’Equipe” dhe “Blick”, kampionët në fuqi të Francës kanë blinduar me një kontratë 5-vjeçare Zhegrovën. Lille ka paguar 7 milionë euro në arkat e klubit zviceran, duke qenë se lojtari i përfaqësueses së Kosovës ka ende edhe 1 vit e gjysmë kontratë me ta. Marrëveshja është arritur dhe mbeten vetëm detajet për të shpallur zyrtarizimin./Halit Delibashi-Sport Ekspres/