Një tjetër ngjarje e shëmtuar ka ndodhur së fundmi në Shkodër, atje ku tensioni nuk mund të përmbahej në klasiken Vllaznia-Tirana.
Faktikisht, e gjithë historia u pa se do të merrte këtë rrjedhë që në momentin kur Doka vonoi për pak sekonda topin në fillimin e së parës dhe një lumë të sharash nisën në stadium. Për të vazhduar më pas me pretendimet për penallti, që sollën shumë shishe ujë në fushë, ku shumë prej tyre përfunduan te lojtarët e Tiranës, apo edhe te anësori në një rast.
Por nuk mbaron me kaq. Së fundmi njoftohemi se autobuzi i Tiranës është goditur me gurë duke iu thyer xhamat. Fatmirësisht nuk ka asnjë të lënduar sa i përket personave që gjendeshin në këtë mjet udhëtues. /Sport Ekspres/
