Skënderbeu-Tirana 0-4 Xhixha 37′, Totre 61′, Nikqi 68′, Seferi 88′ p
Tirana e këtij sezoni është shumë larg rivalëve të tjerë dhe duket si të jetë Bayern Munchen në Bundesligë. Bardheblutë arritën që të fitojnë me shifrat 0-4 falë spektaklit të Taulant Seferit. Në minutën e 34 sulmuesi dhuroi spektakël ndaj portierit Ruci duke e dribluar në dy raste, për ta dërguar topin te Xhixha që me portën e boshatisur gjeti golin. Ndërkohë në të 67 pas një skeme të goditjes së dënimit, Xhixha mori topin dhe pasoi në qendër, atje ku Totre dyfishoi rezultatin.
Në fushë do të hynte edhe Nikqi që me vetëm gjashtë sekonda në fushë mori një pasim të mrekullueshëm nga Seferi, me 17-vjeçarin që tundi rrjetën. Për të përmbyllur shifrat e thellë mendoi sërish Seferi. Nga krahu ky lojtar ishte i papërbajtshëm duke e detyruar Frashërin që edhe mes inatit t’i ndërhynte keqazi në zonë. Nga 11-metrat dhe topi gjen rrjetën, Skënderbeu nis të mendojë seriozisht për Kategorinë e Parë. /Sport Ekspres/
68′ Gooool! Tirana e ka mbyllur ndeshjen. 17-vjeçari Nikqi hyn nga stoli dhe pas vetëm 60 sekondash tund rrjetën. Seferi i jep një asist fantastik duke e nxjerrë para portierit Ruci dhe gjen rrjetën.
61′ Goool! Një tjetër skemë e Tiranës vjen nga goditja e dënimit. Harkimi gjen Xhixhën që futet bukur në krahë dhe kthen topin në qendër, atje ku Totre e gjen lehtësisht portën. Protesta te Skënderbeu për prekje të topit me dorë nga Xhixha në momentin e marrjes së topit, por pas rishikimit të pamjeve, quhet i rregullt.
37′ Goool! Spektakël i Taulant Seferit! Futet me top në zonë dhe nis lëvizjet duke e driblur dy herë portierin Ruçi, për ta hipnotizuar. Menjëherë vjen krosimi për te Xhixha që me portën bosh duhej vetëm ta shtynte topin në rrjetë me kokë. Goli i Xhixhës, por të gjithë përqafojnë Seferin.
1′ Ka nisur ndeshja Skënderbeu-Tirana
Skënderbeu (4-3-3): Ruçi; Frashëri, Vitija, Shehi, Sadriu; Dwumfour, Jean Victor, Moraes; Vrapi, Mara, Pusi
Tirana (4-3-3): Bekaj; Toshevski, Najdovski, Hoxhallari, Ismailgeci; Toli, Totre, Limaj; Xhixha, Seferi, Devid