E FUNDIT/ Humbja me Egnatian, trajneri i Laçit jep dorëheqjen në intervistë: Më vjen keq për presidentin, koha të largohem

0

Egnatia ka bërë surprizën në ndeshjet e sotme të Superiores. Këtë herë duke fituar në transfertën e vështirë të Laçit (jo të këtij sezoni), falë realizimit të “bishës” Pedro Augusto. Braziliani duket se do të jetë një “makineri golash” dhe është i aftë që të realizojë në të gjitha mënyrat. Pas kombinimeve të bukura mes lojtarëve të Egnatias, do të vinte goditja fatale e Augustos që e dërgoi topin në rrjetë.

Kështu Laçi shkon në vendin e fundit të renditjes me vetëm dy pikë, ndërsa trajneri i kurbinasve rrezikon seriozisht shkarkimin. Nga ana tjetër Kastrioti ka fituar në shifrat 2-0 ndaj Skënderbeut falë Bashës dhe Rami që shënuan në pjesën e dytë. Por asgjë e vjedhur për krutanët që u ndaluan në pjesën më të madhe falë portierit të Skënderbeut, Rexhepit, që ishte në super formë dhe sërish nuk i mjaftoi korcarëve. Ndërkohë më poshtë gjeni intervistat e trajnerëve për “Supersport”:

Vukicevic: “Kemi luajtur shumë mirë në pjesën e parë, nuk e lejuam rivalin që të na godiste. Kishim tre mundësi të pastra dhe nuk shënuam, në pjesën e dytë nuk ishim aty. Nuk e merituam këtë humbje, por gjëra të tilla ndodhin në futboll. Është shumë e vështirë. U thashë lojtarëve që me 2 pikë në 5 javë nuk është situata që duhet. Kemi bërë ndeshje të mira, por fakti është se kemi vetëm dy pikë. Në këto situata është e qartë se trajneri duhet të largohet. Unë i falenderoj të gjithë, jemi stërvitur shumë mirë, kam pasur marrëdhënie të mirë me të gjithë në klub. Por nuk ka rezultate, dihet fati i trajnerit. Më vjen keq për presidentin që besoi te mua dhe uroj që ekipi të ngrihet sa më shpejt.

Ndreu: “E kam thënë se do të vijmë në rritje nga ndeshja në ndeshje. Skënderbeun e pashë me Vllazninë, e kisha studiuar mirë. Karakacin e futa si mesfushor pasi është i zgjuar. Skënderbeu nuk pati asnjë rast në portën tonë. Na duhen pikët dhe kjo ka rëndësi. Kam lojtarë me cilësi më mirë se vjet, por janë të pastërvitur mirë dhe nuk janë në gjendjen e duhur. Nëse stërvitemi me këtë grint, do të jemi më mirë se vjet”.

Magani: “Unë mendoj se Laçi është ekip për titull kampion sërish, nuk e them për hiprokrizi. Lojtarët e tyre njihen prej shumë kohësh me njëri-tjetrin, sidomos në mesfushë, për mua ka mesfushën më të mirë në Superiore. Plani jonë ishte që ta prisnim Laçin në 2/3 e fushës tonë. Laçi ishte në presion, ne jo. Pedro Augusto? Ka ardhur me vonesë, ka qenë i dëmtuar. Nuk bën shumë volum loje, por në rrezen e portës është shumë i rëndësishëm. Një rast kishte dhe shënoi gol. Sot kemi pasur 4-5 mungesa të rëndësishme dhe lojtarët që u futën na kanë dhënë tre pikët ndaj një ekipi shumë të fortë.

You might also like
Leave A Reply

Your email address will not be published.