E ardhmja e Gonzalo Higuainit vazhdon të ketë “re”… Sipas “Premium Sport”, krahu i djathtë i Roman Abramoviç, gruaja më e pushtetshme e merkatos së Çelsit, Marina Granovskaia, nuk ka ndër mend që të shpenzojë 60 mln euro për sulmuesin, aq sa kërkon Juventusi, edhe pse Mauricio Sarri do ta donte të vishej blu.
Kështu, i hapet rruga Milanit, por ka edhe këtu një pengesë: Pipita nuk ka ndër mend që të ulë pretendimet për rrogën e tij, që është 7,5 mln euro. Madje, i vëllai Nikolas, ka bërë me dije që për të pranuar kuqezinjtë, duhen 8 mln euro, shifër që Elliott nuk mund t’i garantojë.