Armando Broja shpërtheu me dy gola ndaj Den Hagës. Sulmuesi shqiptar realizoi dopietë dhe u kthye në qendër të vëmendjes në “Eredivisie”, si një nga futbollistët më kualitativ dhe premtues për të ardhmen. Drejtori teknik i Viteshes ka treguar edhe procedurën e negociatave sesi është transferuar Armando Broja.
“Broja është tmerrësisht i mirë. Shkoi në ekipin e parë të Chelsea-t. Bëri debutimin ndaj Everton, ka potencial dhe ambicie të madhe”, tha Johanes Spors.
Në Holandë shkruajnë se në merkaton e verës u luajtën të gjitha kartat për afrimin e Brojës te Totenhemi. “Viteshe i la të gjitha zgjedhjet e tjera, donte vetëm Brojën. Nuk kishte shumë konkurrencë. Chelsea e donte gjithashtu për ti shtuar cilësitë U-21. Kisha bisedime të vështira në Londër. Shkova në Angli dhe në shtëpinë e tij. Fola me mamanë e tij. Ishte hapi i madh ky i Holandës për të”, u shpreh drejtori teknik i Viteshe. /Sport Ekspres/