Fundjavat janë të rezervuara për futbollin dhe në kampionatet elitare të Europës nuk mundojnë as lojtarët shqiptarë. Armando Broja do të ketë shansin e tij për të treguar se ajo paraqitje e dobët me Njukastëllin ishte thjesht një rastësi. Sulmuesi shqiptar do të përballet me mbrojtësat e Uatfordit, duke nisur nga ora 15:00. Ndërkohë një tjetër emër që pritet të zbresë në fushë në Premier Ligë është edhe Milot Rashica, teksa Noruiçi i tij sfidon Lidsin.
Ndërkohë në Serinë A do të ketë punë për mbrojtësat shqiptarë. Rrahmani përballet me të shkuarën e tij, ku do të luajë me fanellën e Napolit kundër Veronës. Në fushë do të jenë edhe Kumbulla me Romën, apo edhe Gjimshiti me Atalantën. Një emër i ri në listë do të jetë edhe ai i Etrit Berishës, që më në fund Juriç po i jep besimin e duhur dhe me shumë ngjasa do të veshë dorezat kundër Interit. Kjo e dielë gjen gjithashtu në aksion edhe Cikalleshin, Vrionin, apo edhe Jasir Asanin, të cilët do të përpiqen të kërcënojnë mbrojtjet kundërshtare për të festuar golin me ekipin e tyre./Sport Ekspres/
Ndeshjet e legjionarëve:
Serie A
15:00 Verona – Napoli
18:00 Atalanta – Xhenoia
18:00 Udineze – Roma
20:45 Torino – Inter
Premier Ligë
15:00 Sauthempton – Uatford
15:00 Lids – Noruiç
La Liga
14:0 Rajo Vajekani-Sevija
18:30 Real Sociedad – Alavesh
Ligue 1
15:00 Klermon – Lorent
Austri:
14:30 Lask Linc – Tiroli
Turqi
11:30 Kajserispor – Koniaspor
Hungari
14:30 Kisvarda – Grimot Gior