Ujërat e turbullta po vërshojnë në Torino, kryesisht për shkak të presidentit të Juventusit, Andrea Agnelli. Që kur erdhi në krye, Agnelli e ka bërë Juventusin një nga klubet më të fuqishme në botë me të ardhura të mëdha. Megjithatë, ngjarjet e vitit të fundit, kur nisi historia e Superligës, reputacioni i Agnellit ra ndjeshëm.
Javët e fundit është spekuluar sërish për formimin e një Superlige të re me një format pak më ndryshe. Drejtuesit e Federatës Italiane të Futbollit të konsultuar me UEFA-n i kanë thënë qartë Agnellit se diçka e tillë nuk duhet t’i shkojë në mendje.
Qartësisht, presidenti i Federatës Italiane të Futbollit (FIGC), Gabriele Gravina, e bëri të qartë se Juventusi do të eliminohet nga Seria A nëse i bashkohet Superligës. “Nëse ajo kontratë bëhet reale, Juventusi do të përjashtohet nga kampionati italian. Superliga është përgjigja e gabuar për nevojën reale”, tha Gravina. /Sport Ekspres/