Një tjetër figurë e njohur e futbollit anglez dhe veçanërisht e Chelsea-t ka folur për Armando Brojën. Këtë herë është Paul Canoville që jo vetëm vlerëson sulmuesin shqiptar, por kërkon edhe largimin e Romelu Lukakut për t’i lënë hapësirën xhevahirit të Shqipërisë.
“Është turp që gjërat nuk funksionuan për Romelu Lukakun. Mua më duket e çuditshme sepse ai e filloi “zjarr”. Sigurisht që nuk i përshtatet edhe sistemit të lojës. Ndoshta lëvizja më e mirë në verë do të jetë rikthimi i Armando Brojës”, ka thënë Canoville. /Sport Ekspres/