Kukësi ka humbur terren pas humbjes me Laçin për titullin kampion. Një shpresë e ndezur dhe e shuar në pak kohë, me Tiranën që ktheu diferencën prej 9 pikësh. Por problemet te verilindorët janë më serioze. “Tv Klan” raporton se lojtarët kanë bojkotuar stërvitjen ditën e sotme për shkak të pagave të pamarra që në muajin shkurt.
Futbollistët ishin të pranishëm vetëm në palestër, por jo te Kompleksi. Në fushë gjendeshin vetëm disa lojtarë të rinjë, por edhe ata në mungesë të trajnerit Shehi. Një bojkot ky që kërkon zgjidhje të menjëhershme pasi po afron ndeshja e mesjavës në Kupë dhe vazhdimi i objektivit për titull kampion. /Sport Ekspres/